للنساء فقط

نصائح وخبرات منزلية

اختراعات تجعل تنظيف المنزل أكثر سهولة خطوات ونصائح لتنظيف منزلك بالكامل سريعا تجارب لتنظيف البيت وتعطيره افكار لتنظيم وترتيب الممطبخ كيفية تنظيف المنزل قبل العيد.

نسخ رابط الموضوع
https://vb.3almik.com/showthread.php?t=5403
323 5
06-05-2018
#1  

Winkيوميات كبرياء انثى مدبرة ومنظمة ومحافظة على جمالها فى شهر رمضان


يوميات كبرياء انثى مدبرة ومنظمة ومحافظة على جمالها فى شهر رمضان
اخواتى وحبيباتى الغاليات كل سنة وانتم طيبين
طبعا كلنا بيبقى عدنا مسؤلية كبيرة فى شهر رمضان
لازم ننظم البيت ونعمل الاكل وغسيل المواعين اللى بتعملنا حالة اكتئاب احيانا هههه

وحاجات تانية كتييير
واحنا عايزين نصلى قيام وتهجد ونختم القرأن اكتر من مرة
فكرت اعمل الموضوع ده علشان نستفاد من خبرة البنات الامهات الشقيانات الله يكون فى عونهم
النهارده هابدأ بضيفة عزيزة عليا وعلى الاقسام المنزلية بتقدملنا ديما نصايح مفيدة معانا

كبرياء انثى

يوميات كبرياء انثى مدبرة ومنظمة ومحافظة على جمالها فى شهر رمضان
حبيبة قلبى والله انت كمان والاقسام المنزلية احب الاقسام لقلبى فى عالمك

لانها من اجمل الاقسام اللى بعشقها
كل سنة وانت طيبة حبيبتى

وانت طيبة وكل احبابك طيبين
فى الاول عايزين نعرف منك ازاى بتستعدى لشهر رمضان من حيث التنظيف والترتيب والتوفير
شوفى يا ستى انا واولادى عندنا رمضان اهم الشهور واهم من العيد

لان بيتنا بيتغير 180 درجة ديكور وحتى الاكلات بتبقى جديدة ومميزة
حبيبتى ايه اخبارك مع التخزين (التجميد)

بتخزنى كميات كبيرة ولا على قد احتياجات الشهر الكريم بس
من اول سنة بقيت شطوره قررت احوش واجيب ديب فريزر وجبته ومدمنة تفريز لسببين الاول انى مؤمنة ان الحاجة فى البيت احسن من الفلوس وثانيا لانى مش ممكن اخرج وانا صايمة لان ضغطى بيعلى فى الحر و الشمس باخزن على قد فلوسى يعنى لو معايا 100 جنيه بس مش محتجاها اوووى اجيب بيها مانجة واقعد طول الصيف اشرب العيال مانجة وفراولة وموز بلبن و الخضار لازم كمية كبيرة من البسلة و الجزر والملوخية ونقلل فى اللى مالناش فيه اوووى زى الكرنب والقرنبيط وهكذا الكمية حسب استهلاكى فى الموسم مش رمضان بس
طيب بالنسبة للبقول و السكر والحاجات اللى بتتخزن من غير تجميد بتخزنى منها ديما ولا بتخنى فى شهر رمضان بس
علشان مش بحب اخرج للسوق علشان كل خروجة باصرف فلوسى على حاجات ممكن ما تكونش مهمة اوووى فبفضل يبقى عندى خزين امشى بيه نفسى فترة
يومك فى رمضان
بتقضى وقت قد ايه فى المطبخ

لله الحمد معظم الاكلات تعتبر سابقة التجهيز يبقى وقتى قليل فى مطبخى

اطبق المكونات واعمل العصير والسلطة وبس
ممكن تعملى كام صنف فى اليوم
يعنى صنفين تلاته بالكتير بس لازم اكتر من صنف علشان ولادى كلهم بيصومو فمينفعش يقومو مش شبعانين او مش حابين الاكلة الوحيدة الموجودة
ازاى بترضى اذواق افراد الاسرة (فى الغالب بتكون الاذواق متضاربة )
عندى منهم دول كل واحد عايز غير التانى فبحاول اركز على اللى بيجمعو عليه وممكن اعمل فى ايام كده لكل واحد اكلته المفضلة
اخبار بنوتك وابنك معاكى ايه بيساعدوكى فى تحضير الفطار

او بيشاركو معاكى فى عمل اى حاجة ( السلطة - العصير )
الولاد عندى مش بيساعدو اوووى لكن برضه متعاونيين بس برضه يشيلو معايا الاكل

او يحطوه او يصبو عصاير كده يعنى بس اختك شايلة الليلة
غسيل المواعين وما ادراك ما غسيل المواعين بتغسليها اول باول

ولا بعد الفطار على بعضها ولا بتتصرفى فيها ازاى
لا اول باول اجمل وانجح طريقة علشان المطبخ يبقى رايق لو ايتعملت معلقة وانا باطبخ اغسلها فورا ولو شربنا شاى يبقى الصينية والكوبيات يتغسلو فورا
بتلاقى وقت تقعدى فيه مع اولادك تتكلمو مع بعض فى امور الدين والدنيا
طبعا اساسا احنا مش مختلطين بحد من الجيران ولا الاصحاب فاحنا اصحاب بعض وبنتشارك فى كل حاجة مهما كانت صغيرة ولازم طبعا امدهم بمعلومات دينية وعقائدية واغرس فيهم حب الله ورسوله و الانبياء والعبادات وكدا
وبعد المجهود الطويل ده طول اليوم بتقدرى تهتمى بنفسك وبشرتك وجمالك ولو بشىء بسيط
ابسلوتلى ابدا ماليش فى المواضيع دى كل سنة ممكن اعمل ماسك ولا اهتم بضوافرى
بتقدرى تختمى القرأن فى الشهر الفضيل
طبعا الحمد لله
ايه اخبار صلاة التراويح والقيام معاكى
بصليهم بس فى البيت لانى مش بحب اسيب ولادى لوحدهم الا للضرورة القصوى وطالما عندى رخصة انى اصلى فى البيت فبصلى التراويح الحمد لله
نصيحة لكل بنت مقبلة على الجواز ازاى تنظم بيتها ووقتها وتهتم بنفسها فى شهر رمضان
تستعد لرمضان بتفريزات وخزين يخليها ما تضيعش ساعات يومها فى التسوق و التفكير تعمل اكل ايه لا تحضر جدول اكلات و تشترى على اساسه خزينها وعلى قد امكانياتها وعددهم وبس لا اسراف ولا تبزير نص كيلو البسلة اللى هتفرزه هينفعها جدا وكيس صلصة الطماطم كذلك تطلعهم وتطبخهم وكوبيتين رز وسلطة هايكلو وينبسطو بالقليل

حبيبة قلبى والله بجد كان حوار جميل جدا وانا عن نفسى استفدت منه كتير ربنا يباركلك فى صحتك ووقتك واولادك وكل عام وانت وكل اهلك و اصدقائك واحبابك بخير حبيبتى
يوميات كبرياء انثى مدبرة ومنظمة ومحافظة على جمالها فى شهر رمضان



اظهار التوقيع
توقيع
فريده



06-06-2018
#2  

افتراضيرد: يوميات كبرياء انثى مدبرة ومنظمة ومحافظة على جمالها فى شهر رمضان

موضوع جميل وممتع اتمنى اكون الدور الجاى ههههههههههههههه
حبيبتى كبرياء كل سنه وانتى طيبه كنتى فى منتهى الجمال ياحبى


06-06-2018
#3  

افتراضيرد: يوميات كبرياء انثى مدبرة ومنظمة ومحافظة على جمالها فى شهر رمضان

يخربيت عقلك دى كانت دردشه يامجنونه



اظهار التوقيع
توقيع
كبرياء انثى



06-06-2018
#4  

افتراضيرد: يوميات كبرياء انثى مدبرة ومنظمة ومحافظة على جمالها فى شهر رمضان

ما شاء الله عليكى ياكبرياء متميزه غاليتى


06-08-2018
#5  

افتراضيرد: يوميات كبرياء انثى مدبرة ومنظمة ومحافظة على جمالها فى شهر رمضان

ههه ماشاء الله ست بيت لهلوبة
الله عليكى يا فرفورة وعلى افكارك



اظهار التوقيع
توقيع
ام يوسف




06-09-2018
#6  

افتراضيرد: يوميات كبرياء انثى مدبرة ومنظمة ومحافظة على جمالها فى شهر رمضان

ههه رووعه حياتى موضوع ققمة



اظهار التوقيع
توقيع
فخامة ملكة
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))


صدق الله العظيم ، و هل أصدق من الله قيلا

استغفر الله العلي العضيم من كل دنب عضيم اللهم اغفر لي و لوالدي
اللهم امين و لكل شخص قالها بالمتل

http://mp3qurany.com/mp3.php?Quran=1



الكلمات الدلالية (Tags)
مدبرة, انتى, جمالها, يوميات, رمضان, شهر, على, في, ومحافظة, ومنظمة, كبرياء

أدوات الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
وقفت قدام المرايا .خواطر / كبرياء انثى كبرياء انثى المنتدى الأدبي 6 منذ 2 يوم 10:37 PM
انتى وجوزك البسوا زى بعض،البسى انتى وجوزك زى بعض و لاول مره وحصرى على منتدى عالمك ساليسيا أزياء بيت ملابس وعبايات 2 منذ 3 أسابيع 05:10 PM
اسرار مطبخية رهيبه،كيف اكون ست بيت ممتازه،ست بيت ناجحة،يوميات ست بيت شاطرة، ساليسيا أفكار وخبرات للمطبخ 2 08-16-2018 08:49 AM
تقشير الشفاه بالفرشاة يزيد جمالها،تقشير الشفايف بالسكر والعسل،طريقة تقشير الشفايف وجعلها ورديه2018 ساليسيا العناية الشخصية 7 07-31-2018 12:00 AM
تعالو نبارك لحبيبتى المشرفه ( كبرياء انثى ) ساليسيا ترحيب وتهنئة الأعضاء 7 03-11-2018 12:47 PM


الساعة الآن 03:38 AM.


Powered by vBulletin Version 3.8.8 Alpha 1
Copyright ©2000 - 2018, Jelsoft Enterprises Ltd Trans
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2018 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل