للنساء فقط

العناية بالشعر

علاج تساقط الشعر,للتخلص من الشعر التالف والخشن والمجعد,خلطات تطويل الشعر وتكثيفه,طريقة استخدام الكيرياتين فى المنزل, زيوت خاصة لتنعيم الشعر صبغات الشعر، تصفيف الشعر، علاج فروة الرأس,خلطات طبيعه لشعر الاطفال,صباغات الوان للشعر2018 و 2019,حنة لفرد الشعر,تنعيم الشعر ، خلطات خاصة لتطويل الشعر

نسخ رابط الموضوع
https://vb.3almik.com/showthread.php?t=2800
284 6
03-13-2018 12:20 PM
#1  

1 137 1عنايتى بشعرى وترطيبه وتعطير،تعطير الشعرنالعنايه الكامله بالشعر


عنايتى بشعرى وترطيبه وتعطير،تعطير الشعرنالعنايه الكامله بالشعر

اللهم صل على سيدنا محمد
سبحان الله والحمد لله ولا اله الا الله والله اكبر ولا حول ولا قوة الا بالله
اللهم اغفر للمسلمين والمسلمات المؤمنين والمؤمنات الاحياء منهم وارحم الاموات
ربنا اتنا ف الدنيا حسنة وفى الاخرة حسنة وقنا عذاب النار

ازيكو يابنات يارب تكونو بخير انا النهاردة جايبة ليكم
طريقتي ف العناية يشعرى وقبل اى شىء انا بريئة من اى واحدة تستخدم طريقتي ف الاهتمام بشعرها او مواضيعى عموما لغير الازواج والمحارم انا مش حمل ذنوب يابنات انا بنزل المواضيع دى للافادة وعشان كلنا نهتم بنفسنا بحاجات بسيطة ومنكلفش نفسنا ولا اهلنا عشان نبقى حلوين لنفسنا ولازواجنا ومحارمنا بس مش عشان اخد ذنوب ياريت متزعلوش منى لازم اكتب كده وانبهكو وانبه نفسى قبلكو اللهم بلغت اللهم فاشهد

دلوقتى هاقولكو بعمل ايه عنايتنا بشعرنا فى حاجات تتعمل شهريا وفى حاجات مرتين ف الاسبوع وفى حاجات يومية
الحاجة الشهرية قص اطراف الشعر وانا بقص اطراف شعرى ف البيت بسمى الله وبقول بسم الله الذى لا اله الا هو بسم الله ماشاء الله ولا حول ولا قوة الا بالله اللهم صل على سيدنا محمد وبمقص نضيف مخصص للشعر بقص اطراف شعرى بالراحة

دى العناية الشهرية

يوم ف الاسبوع بعمل ماسك وحمام زيت ويوم تانى بعمل حمام كريم يعنى مرة ماسك ومرة حمام كريم
طريقتى ف الماسك بجيب زيت شعر وباخلطه بسنة عسل وسنة مية دافية سنة بسيطة خالص يابنات
فايدة نقطة المية دى بتشيل التلزيق بتاع العسل لانى بصراحة بتضايق من التلزيق ده وكمان بتخلى الشعر يمتص الزيت اسرع المهم بحط الماسك على شعرى وبلفه كحة وبسيبه اقل حاجة نص ساعة واكتر حاجة 4 او 6 ساعات بالكتير وبعدين اغسل شعرى بشامبو مخفف بمية ونص معلقة عسل ولو الشامبو مفيهوش بلسم استعملو بلسم بعد الشامبو عشان الشامبو لوحده بينشف الشعر وبعد ماشعرى ينشف نص تنشيفة بدهنه السيروم المنزلى بتاعى

ملحوظة صغننة ممكن بعد ماتعملو حمام الزيت تلفو شعركو بفوطة مبلولة مية دافية ومعصورة الحركة دى بتخلي شعركو يستفاد اكتر من الماسك وفى حركة شوفتها ف الكوافير انكو تحطو بونية الشعر على شعركو وتشغلو الاستشوار وتمشوه على شعركو من على البونية بس بامانة مجربتش الحركة دى


الزيوت ال بستعملها زيت خروع وزيت زتون
اوزيت زتون بس
ياما زيت جوز هند بس
او زيت خروع مخلوط بزيت زتون وزيت لوز حلو
او لو معنديش بستعمل نوع واحد بس من الزيوت ال فوق يعنى بستعمل زيت زتون او زيت لوز او زيت خروع او زيت جوز الهند والله يخليكو يابنات متحطوش كل الزيوت دى على بعضها انا الزيوت ال كتبتها دى هيا ال بستعملها لانى مابحبش اخلط حاجات كتير على بعضها وبدل مااغذى شعرى ابوظه بكتر الزيوت والاختراعات انا بنبهكو اهو

ملحوظة صغننة زيت الزتون ال بستعمله زيت الاكل لونه بيكون غامق شوية وريحته نفاذة شوية وارخص من بتاع التجميل ده بيبقى نقى مش متضاف عليه حاجة بتاع التجميل لونه فاتح وريحته خفيفة شوية ماتجيبوش بتاع التجميل مش حلو ماتستعملوش الا زيت الزتون بتاع الاكل احسن ميت مرة من بتاع التجميل


طريقتى ف حمام الكريم بحط حمام الكريم على شعرى قبل مااخد دوش ب عشر دقايق او ربع ساعة بالكتير ماتسيبيهوش اكتر من كده عشان لما بيتساب كتير بينشف الشعر وبدخل الحمام اشطف شعرى بمية بس مابغسلوش بشامبو وبعد ماينشف نص تنشيفة برطبه بالسيروم المنزلى بتاعى

طريقة السيروم المنزلى بتاعتى جايباها من عالنت لانى جيت اسال عالسيروم لقيته بيتباع غالى فاجبت طريقته من عالنت هو فى طرق كتير بس دى اسهلهم والحمد لله كويسة معاياوانا بستعمل السيروم مرتين بس ف الاسبوع بعد حمام الكريم وحمام الزيت ولو عملت شعرى استشوار بحط منه قبل مااعمله عشان يحمى شعرى من حرارة الاستشوار

طريقة السيروم المنزلى








نص كوباية زيت جوز هند عليهم 8 نقط زيت ورد وانا زودت عليهم كبسولتين فيتامين e عشان تغذى شعرى وترطبه وكمان سمعت انها بتساعد ف تطويل الشعر ونقط زيت عطرى خام من غير كحول عشان الريحة الحلوة وحطيتهم ف ازازة صغننة ورجيتهم حلو وبستعمله مرتين ف الاسبوع بعد حمام الزيت وحمام الكريم ويتحط على شعر مندى مش ناشف اوى ولا مبلول اوى وقبل ماتحطوه ترجو الازازة الاول
العناية اليومية ترطيب الشعر بكريم تصفيف وتسريحه وتعطيره استعملو الكريم ال بتحبوه انا دلوقتى بستعمل فاتيكا بجوز الهند جميل معايا ورخيص العلبة ب 14 جنيه
التعطير بستعمل كذا طريقة
مخمرية وئام حسان دى غنية عن التعريف وجميلة وريحة ثابته
بخاخ مية الورد والزيت العطرى تحفة وريحته جميلة
وابسط واسهل طريقة حطو على كريم التصفيف كام نقطة زيت عطرى خام ترطيب وريحة جميلة ف نفس الوقت


دلوقتى هاقولكو على نصايح مهمة جدا ف العناية بشعرنا
  1. مش اى حاجة نجربها يابنات لازم نعرف نوع شعرنا ايه اوايه ال ينفع ليه وايه ال ماينفعش ومنجربش كتير ف شعرنا مش اى وصفة نشوفها نجرى نعملها ف شعرنا انا عن نفسى مابحبش كتر الخلطات والماسكات وخصوصا ال حاجات ال ليها ريحة زى البصل والتوم مستحيل احط الحاجات دى على شعرى
  2. نحاول نقلل من الشامبو كتره بينشف الشعر انا اوقات كتير بستبدله بالبلسم بعد حمام الزيت وحمام الكريم وبستعمل الشامبو مرة كل اسبوعين ولازم اخففه بمية وعسل مابستعملوش لوحده ابدا
  3. كتر الصبغات والمكواة والاستشوار بتهلك الشعر جداوبتنشفه وتقصفه انا بصبغ شعرى مرة واحدة او مرتين بالكتير ف السنة وبستعمل بعدها حمامات كريم للشعر المصبوغ عشان شعرى ماينشفش وببعد عن حمام الزيت لان الكوافيرة قالتلى بيخلى اللون يروح بسرعة والاستشوار مرة واحدة بس كل اسبوع او 10 ايام وياريت ماتستخدموش الاستشوار والمكوة على شعر غرقان مية لازم ينشف شوية عشان مانعملش صدمة للشعر وينشف ويتقصف
  4. الزيوت يتعمل بيها حمام زيت بس ماتستخدموهاش ف التصفيف اليومى وماتسيبوهاش كتير على شعركو بتنشفه عن تجربه وبلاش تحطو زيوت كتير على شعركو ومتخترعوش خلطات زيوت من نفسكو مش كل الزيوت ينفع تتخلط ببعض ممكن تجيب نتيجة عكسية وتبوظ شعركو الف بعد الشر عنكو وماتستعملوش الا خلطات متجربة الكلام ده قريته من عالنت وبنفذه ومابخترعش ابدا ف شعرى ولو تلاحظو الزيوت ال بستعملها ف حمام الزيت زيوت متجربة وموجودة ومفيهاش خلطات كتير والله انا بشوف عالنت حاجات عجيبة ومش موجودة عند العطار لا انا خلينى ف المضمون والسهل احسن انا احسنلى استعمل نوع زيت واحد مضمون ومتجرب مع سنة عسل ونقطة مية دافية ماسك بسيط جدا وسهل يغذى شعرى ويرطبه احسن مااعمل خلطة من مجموعة زيوت ولا اعمل ماسكات وتبوظ شعرى معلش انا اتكلمت كتير ف النقطة دى لان دى حاجة مهمة جدا وانا قريت عالنت تجارب لبنات شعرهم اتبهدل من الاختراعات والماسكات
  5. البنات ال شعرها بينزل بغزارة ماتستخدموش خلطات ومتحطوش على شعركو حاجة قبل اى شىء تعملو صورة دم كاملة وتاخدو التحاليل وعلى دكتور جلدية هو ال هايساعدكو انا بقولكو اهو الحالات المرضية دى لازم ليها دكتور ماتجربوش ف شعركو ابدا ولو حبيتو تلجاو للوصفات الطبيعية ف الحالة دى تسالو دكتور جلدية ويكون شاطر وتقولو للدكتور يادكتور استعمل كذا لشعرى طب الوصفة دى حلوة لشعرى
  6. وال يقول عليه يتنفذ هو ادرى
  7. الحاجات ال بتخلى الشعر يقع وبتهلكه تسريحه وهو مبلول ولفه كحكة عمل على بطال وشده ديل حصان جامد بيشد الشعر لورا وبيضعفه وبيخليه يقع وتضفير الشعر جامد وشده جامد وانتو بتضفروه ولبس الطرحة وهو مبلول وتسريحه وهو مبلول وبلاش لبس طرحة ستان او شيفون من غير بطانة قطن البطانة القطن بتحمى الشعر يابنات وياريت تستخدمو مشط خشب ف تسريحه
  8. الشامبوهات ال ضد القشرة بتنشف الشعر جدا لازم بعدها بلسم او حمام كريم وبرضو لازم الشامبو يتخفف بمية وعسل لو تحبو انا بحب احط عسل لانه بيغذى الشعر ويرطبه وبيطهر فروة الراس فوايده مالهاش حصر للشعر والبشرة ولكل حاجة
  9. البروتين والكيرياتين والفرد نتيجتهم وقتيه وغاليين ومش اى حد يعملهم ماتسلموش شعركو الا لكوافيرة مضمونة وتشوفو شغلها الاول وتسالو كويس عليه
  10. حاجة كمان يابنات التغذية الصح بتفرق اوى لازم ناكل كويس ونشرب مية كتير ونشرب لبن كل يوم وياسلام لو تشربو كوباية مية متدوب فيها معلقة عسل سحر والله يابنات العسل ده كنز ف بيوتنا وبيدخل فى وصفات كتير للشعر والبشرة والشفايف وكله انا مسمياه الكنز لانه كنز فعلا وعن تجربة قلل تساقط شعرى غير فوايده العلاجية الكتير انا عن نفسى مابحطش سكر لعيالى ف اى عصاير او مشروبات بحطلهم سنة عسل عشان يستفادو منه الخلاصة نهتم بنفسنا من جوة الاول ده عن تجربة بيفرق اوى ف صحة بشرتنا وشعرنا مع الاهتمام الخارجى طبعا





03-13-2018 12:23 PM
#2  

افتراضيرد: عنايتى بشعرى وترطيبه وتعطير،تعطير الشعرنالعنايه الكامله بالشعر

مشكوورة



اظهار التوقيع
توقيع
فخامة ملكة




مهم جدا اتفضلى غاليتي
http://www.al8z.com/2minutes.htm

03-13-2018 12:48 PM
#3  

افتراضيرد: عنايتى بشعرى وترطيبه وتعطير،تعطير الشعرنالعنايه الكامله بالشعر

يسلمووووو ع الطرح



اظهار التوقيع
توقيع
ساليسيا
[CENTER][IMG]https://i2.wp.com/www.osrt-alula.com/upload//uploads/images/osrt-9d9ca44862.gif[/IMG]
[/CENTER]

03-21-2018 03:31 PM
#4  

افتراضيرد: عنايتى بشعرى وترطيبه وتعطير،تعطير الشعرنالعنايه الكامله بالشعر

شّع³َرًأِ لًع³ً علّى أًلّمُوٌضّوِعُ أًلٌجٌمًيّلّ وِ أِلًمُفًيِدَ

جّزَأٌع³ُ أًلِلًهٌ أًلٌفً خّيًرُ عُلَى ع³َلّ مٌأً تًقٌدّمًهِ لًهَذٌأُ أَلّمًنَتًدَى

نّنِتَظِرً أِبّدًأِعّأَتًع³ُ أِلُجُمٌيٌلٌة بّفُأًرَغُ أُلَصّبِرٌ




04-04-2018 12:25 AM
#5  

افتراضيرد: عنايتى بشعرى وترطيبه وتعطير،تعطير الشعرنالعنايه الكامله بالشعر




اظهار التوقيع
توقيع
ام يوسف


04-10-2018 12:30 PM
#6  

افتراضيرد: عنايتى بشعرى وترطيبه وتعطير،تعطير الشعرنالعنايه الكامله بالشعر





الكلمات الدلالية (Tags)
الشعرنالعنايه, الكامله, بالشعر, بشعري, عنايتى, وترطيبه, وتعطير،تعطير

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
نصائح حول طرق العناية بالشعر ،العنايه بالششعر،كيف اهتم بشعري yasmen العناية بالشعر 4 05-21-2018 01:57 AM
نصائح حول طرق العناية بالشعر ،العنايه بالشعر،طرق مختلفه للعنايه بالشعر yasmen العناية بالشعر 4 04-10-2018 12:27 PM
أفضل طرق العناية بالشعر،كيف اهتم بشعري،طرق العنايه بالشعر yasmen العناية بالشعر 3 04-10-2018 12:27 PM
كيف احافظ علي شعري من التقاصف،العنايه بالشعر،كيف اهتم بشعري yasmen العناية بالشعر 5 04-10-2018 12:27 PM
العنايه بالشعر بعد الصبغه،كيفيه العنايه بالشعر المصبوغ بالاشقر،نصائح للعناية بالشعر المصبوغ2018 ساليسيا العناية بالشعر 4 04-10-2018 12:24 PM


الساعة الآن 02:55 AM.


Powered by vBulletin Version 3.8.8 Alpha 1
Copyright ©2000 - 2018, Jelsoft Enterprises Ltd Trans
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2018 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل
كلمة الإدارة

ابرئ نفسي أنا مؤسس منتدى عالمك ، أمام الله ثم أمام جميع الزوار على كل ما يحصل من تعارف بين الأعضاء على مايخالف ديننا الحنيف ، وأنا أخلي مسئوليتي من أي موضوع في هذا المنتدى والموضوع يمثل كاتبه فقط

احسبي وزنك المثالي