للنساء فقط

أنشطة ورسومات للتلوين للأطفال

صور رسومات للاطفال,رسومات للتليوين 2018,فوائد التلوين للاطفال,رسومات اطفال للتلوين حيوانات,تعليم التلوين للاطفال الصغار,رسومات اطفال تعليمية,صور مرسومه بالرصاص لتنمية مواهب احبابنا الصغار.

نسخ رابط الموضوع
https://vb.3almik.com/showthread.php?t=7873
50 3
منذ 3 أسابيع
#1  

افتراضياناشيد الحضانة للاطفال,اناشيد الروضة,اروع اناشيد للحضانة


اناشيد الحضانة للاطفال,اناشيد الروضة,اروع اناشيد للحضانة


اناشيد الحضانة للاطفال ،من اجمل ذكرياتنا فى الماضى والتى لا تنسى بمرور الزمان، اناشيد الحضانة للاطفال هى كانت عبارة عن اغاني قصيرة ولكن تحمل معانى عظيمة مفيدة لاطفال الروضة وكان منها اناشيد تعليم القيم التربوية و الاناشيد الاسلامية و الاناشيد التعليمية وتتميز هذه الاناشيد بأنها سهلة الحفظ ، سوف نقدم لكم مجموعة متميزة من اناشيد الحضانة للاطفال لتعليمهم كلمات بسيطة وقيم جميلة .
اناشيد الحضانة للاطفال لتعليمهم كلمات بسيطة وقيم جميلة

بسم الله

بسم الله بسم الله *** أحلى كلام أتعلمناه
قبل ما ناكل .. قبل ما نشرب *** لازم كلمة بسم الله
قبل ما نقرأ .. قبل ما نكتب *** لازم كلمة بسم الله
قبل ما نلعب .. قبل ما نجري *** لازم كلمة بسم الله
بسم الله بسم الله *** أحلى كلام أتعلمناه
الأعداد

واحد هو ربى *** اتنين بابا وماما
تلاته هما أخواتنى *** أربعه هما أصحابى
خمسه هى صلاتى *** سته أقوم من بدرى
سبعه أروح حضانتى *** تمانيه الحصه الاولى
تسعه وقفة عرفه *** عشره يوم العيد
الكتكوت الصغير

ياكتكوت ياصغير
مالك كده متحير
مين طلعلك ريشه
يمكن بابا
لالالالا
يمكن ماما
لالالالا
امال مين
رب العالمين
العصفوره

العصفوره جمعت قش *** قشه وقشه بنت العش
عشها عالى عند الشجره *** يعلو يعلو عند القمره
من عرفها مكان القش *** من علمها تبنى العش
هو الله هو الله *** سبحان الله سبحان الله
كتكوتى

كتكوتى أصفر وجميل .. وصغير وريشه حرير
بيصوصو ويغنى كمان .. وبيعرف أحلى الالحان
كتكوتى كان جوه البيضه .. وخرج وعملنا زيطه
كتكوتى بينده ماما .. ويدور فى كل مكان
واهى جاتله بالسلامه .. وفحضنها على طول بينام
حى على الصلاه

حى على الصلاه ***حى على الفلاح
فلنذكر الصلاه*** فى أول الفجر
والظهر والعصر***ثم نصلى المغرب
وبعدها العشاء***وبعدها العشاء
ونختم صلاتنا*** بالحمد والثناء
قد قامت الصلاه*** يا أخوة الايمان
الله فى علاه *** قد أمر الانسان
أن يعبد الاله *** ويطلب الاحسان
الشمس

أصحى ياشمس بدرى*** خلى البحر يغلى
يطلع منه بخار *** يبقى سحاب طيار
يجى الريح ويشيله *** يتخانق وزميله
يحصل رعد وبرق ***يجى الخير والسعد
مطره تسقى الارض
أول شرط

أول شرط فى الايمان *** نسمعه فى كل أذان
لا إله ألا الله *** محمد رسول الله
نشهد أن لارب سواه *** لاإله إلا الله
نشهد أن نبى الله *** محمد رسول الله
الحضانه حلوة

الحضانه حلوه***بتعلمنا غنوه
شمر أيدك شمر***أبنى معايا وعمر
إبنى مسجد عالى ***هو أملنا الغالى
وإحنا ياهنانا***أطفال الحضانه
الميس بتوصينا***نحب بعضينا
ميه يا ميه

ميه ياميه ***تعالى عندنا
علشان نتوضأ***ونصلى لربنا
ابعد ابعد ***ياشيطان
كل اما اسمع*** الاذان
أتوضأ وأصلى*** للرحمن
أنا مسلم صاحى*** مش كسلان
رمز لأمة الاسلام
خروفى

خروفى ياخروفى***ماء ماء ماء
يلابس بدله صوفى***ماء ماء ماء
ليك قرنين***وأربع رجلين
تاكل كتير***وتبقى تخين
وندبحوك ***فى العيد الكبير
الحروف

رايح فين يا حماده***رايح أجيب شوكلاته
أنت ومين ياحماده***أنا وماما وبابا
شفتم ماما*** جابتلى أيه
نونو صغير***ياختى عليه
يالا نبوسه من أيديه***ونعلمه الف به
(ونقول الحروف الابجديه مع الطفل )
الوضوء

بنى توضأبماء طهور
فماء الوضوء لوجهك نور
إذا رضى الله عن عبدا اتاه
أتاه الهناء ونال السرور
بنى توضا وقم للفلاح
ففى طاعة الله سر النجاح
إذا رضى الله عن مسلما بدا
مشرق الوجه مثل الصباح
الوضوء 2

بسم الله أنا أتوضأ
وبها يومي دوما يبدا
اغسل وجهي واليدين
امسح رأسي والرجلين
لا أسرف أبدا في الماء
فتقبل ربي دعاء
الأعداد

السما فين***فوق فوق
والأرض فين*** تحت تحت
أنتم وحشين*** لالالا
أنتم حلوين*** اه اه
الايد دى كام*** خمسه
والايد دى كام*** خمسه
يالا نحط إيد على إيد***يبقو عشره بالتاكيد
(ونقول الاعداد من 1الى 10)
الناشيد ده بيكون مشاركه بينك وبين الطفل يعنى تقولى والطفل يرد عليكى
نشيد الحروف الهجائية

ألف أرنب يجري يلعب يأكل جزرا كي لا يتعب
باء بطة نطت نطة وقعت ضحكت منها القطة
تاء تاج فوق الراس فيه الذهب وفيه الماس
ثاء ثعلب صاد دجاجة هو ماكر وقت الحاجة

جيم جمل في الصحراء مثل سفينة فوق الماء
حاء حج أسمى رغبة فيه طواف حول الكعبة
خاء خبز عند البائع لا يأكله إلا الجائع

دال ديك حسن الصوت قام يؤذن فوق البيت
ذال ذئب وحش صلب لا يرهبه إلا الكلب
راء رجل عرف الدين فهو صدوق وهو أمين
زين زهرة أصفر أحمر هي بعيني أحلى منظر

سين ساعة تحفظ وقتي في مدرستي أو في بيتي
شين شمس صنع قدير فيها الدف وفيها النور
صاد صائد ألقى الشبكة بعد قليل صاد سمكة
ضاء ضابط يحمي وطني يحفظ أمني يرعى سكني
طاء طفل أجمل طفل فهو نظيف حسن الشكل
ظاء ظفر نظفناه طال قليلا فقصصناه

عين عين تخش الله تشهد خيرا فيه رضاه
غين غار غار حراء فيه أنزل القرآن
فاء فيل ذو أنياب وهو صديق يا أصحاب
قاف قمر فيه منال ومواقيت تهدى السائل
كاف كلب عاش جواري يحرس غنمي يحرس داري

لام لحم ينمو جسمي يكسو عظمي فيه أسمى
ميم مسجد بيت الله فيه أؤدي كل صلاة
نون نهر نهر النيل فهو كريم غير بخيل
هاء هرم عال القمة وبناؤه رمز للهمة

واو وجه للإنسان فيه إشراق بالإيمان
ياء يد ترسم زهرة تبدع شكلاً تظهر فكراً
(الناشيد ده كل يوم تعلمى الطفل حرف جديد يتعلم بيت جديد من الناشيد لانه كبير وبياخد وقت فى الحفظ بس لو حفظتيه للطفل بالشكل ده هايحبه ويكون سهل عليه)
قطتى نانى

(الناشيد ده من اناشيد الحضانة للاطفال والاطفال بتحبه أوى لانه كله حركات والاطفال طبعا بتحب الحركه فالناشيد ده هانمثل كل حاجه فيه وأحنا بنقوله)
قطتى يانانى ياكاملة المعانى
فاكره لما جيتى جيتى وأتشاقيتى
حتى بالاماره شديتى الستاره
جيتى وقولتى آسفه
مش هاعملها تانى
كده كده كده بنعد العصافير
كده كده كده نغسل الغسيل
كده كده كده ننشر الغسيل
كده كده كده نعجن العجين
كده كده كده نبطط العجين
كده كده كده نخبز العاجين
كده كده كده نصقف للشاطرين
كده كده كده نقعد ساكتين
(طبعا كل حركه أحنا هانمثلها مع الطفل)
فصول السنة

اسمع اسمع اسمع وقول * * * السنة فيها أربع فصول
شتا وربيع * * * صيف وخريف
الشتا دايما المطر فيه * * * والبرد قاسى يا طول لياليه
أما الربيع أه ياجماله * * * دايما تتفتح أزهاره
أماالصيف يا عينى عليه * * * الشمس حامية قوى كده ليه
أماالخريف دايما زعلان * * * كل الشجر كده كده دبلان
النخلة

نون نخل في البستان***يععطي بلحا مثل السكر
وله سعف كالأغصان***نصنع منه حصير أصفر
نون نخل ما أجمله***يزهو في وسط الصحراء
وله جذع ما اطوله***لا يشكو من نقص الماء
نشيد الأشكال الهندسية

أنا الصديق المستطيل
اسمي على رسمي جميل
صديقتي مدورة
سميتها بالدائرة
لي صاحب مثلث
وآخر مربع
أشكالنا محببة
لطيفة مرتبة
نشيد الأعداد

الواحد واقف مضبوط
والاثنين بتبص عليه
والثلاثة بسنتين
والأربعة اثنين واثنين
والخمسة كحكة بسكر
والستة واقفة تفكر
والسبعة بتبص لفوق
والثمانية تبص لتحت
والتسعة كحكة بنبوت
والعشرة واقفة مظبوط وجنبها صفر صغنتوت
ارنبتي سونيه

مين شاف ارنبتي سونيه ***** اجمل ارنبه فى الدنيا
فروتها حرير فى حرير ***** وخفيفه تنط كتير
ساعة العصريه تمام ***** تجرى لجحرها وتنام
واحد اتنين واحد اتنين ***** كان في راجل مسكين
تلاته اربعه تلاته اربعه ***** كل هدومه متقطعه
خمسه سته خمسه سته ***** اديتو من عندي جاكته
سبعه تمانيه سبعه تمانيه ***** بقي اسعد انسان ف الدنيا
تسعه عشره تسعه عشره ***** يابخت الي يساعد الفقره

طيارتنا الحربية

طيارتنا الحربيه ***** ادت اعمال بطوليه
الطيار كان فيها ***** طالع نازل بيها
يضرب ع الاهداف ***** ابدا عمره ما خاف
اراجوزى سكره

اراجوزى سكره ***** مناخيره مدوره
وعيونه مثلثات ***** وخدوده احمره
شوف شعره جميل ازاي ***** دايما غاسل وشه
لبسه جديد ونضيف ***** ودوافره قصيره
الفيل

انا الفيل ابو زلومه .. زلومتى طويله طويله
اخد بيها المايه وارش .. رشه ورشه زى الدش
انا زعلان انا زعلان .. جدا جدا من الانسان
لما ندانى ابرهه .. روح للكعبه وهدها
انا مرضتش عشان الله .. قولوا يا ولاد سبحان الله
سبحان الله .. سبحان الله
محمد نبينا

محمد نبينا ***** أمه آمنه
أبوه عبد الله ***** مات ما رآه
جده اللى رباه
أبو طالب عمه ***** كان بيخفف عنه
ستنا حليمه ***** مرضعة نبينا
لما تشوفه تقوله ***** جانا السعد جانا .. جانا يا هنانا
قد ولد في مكه ومات في المدينة
صلى الله على محمد صلى الله عليه وسلم
عم دهب

عم دهب حكايته عجب .. كان عندة بطه
حلوة وجميله بتبض يوماتي
بيضه دهب .. بيضه دهب
ياخد بيضتها ويروح يبيبعها
من غير تعب .. من غير تعب
ياكل جوافه وقشطه وكنافه
من غير تعب .. من غير تعب
والبطه نايمه في عشها
جاب سكينه وراح سنها
مسك جناحها وقوام دبحها
ومن يوميها مالقاش بيضة دهب .. مالقاش بيضة دهب
وكل اللي شاف وكل اللي سمع .. قال الطمع يقل ما جمع .. يقل ما جمع
الخضار

الخضاراحـنــا الـخـضــار*** مـيـن زيـنـا مـيـن
فـيـنــا مــعــادن*** فـيـنـا فيـتـامـيـن
خـــس وطـمـاطـم*** فـلـفــل جــــزر
نـحـمـي الأسـنــان*** نـقــوي الـنـظــر


اناشيد الحضانة للاطفال,اناشيد الروضة,اروع اناشيد للحضانة




















اظهار التوقيع
توقيع
ام يوسف






منذ 3 أسابيع
#2  

افتراضيرد: اناشيد الحضانة للاطفال,اناشيد الروضة,اروع اناشيد للحضانة

تسلمي حبوبه


منذ 2 أسابيع
#3  

افتراضيرد: اناشيد الحضانة للاطفال,اناشيد الروضة,اروع اناشيد للحضانة

عسل عسل تسلمى يارب



اظهار التوقيع
توقيع
ام المصريين

منذ 7 ساعات
#4  

افتراضيرد: اناشيد الحضانة للاطفال,اناشيد الروضة,اروع اناشيد للحضانة




اظهار التوقيع
توقيع
موجوع قلبى



الكلمات الدلالية (Tags)
للاطفال, للحضانة, الحضانة, الروضة, اروع, اناشيد

أدوات الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
وجبات صحية للاطفال فى الحضانة.اشكال لانش باج للاطفال.افكار لسندوتشات المدرسة.طريقة عمل lunch box ساليسيا أكلات أطفال 2 منذ 3 أسابيع 09:41 PM
اناشيد تعليمية لاطفال الروضة.نشيد لأطفال قبل الحضانة لتعليمهم كلمات بسيطة رودى تعليم لغات - loghat 5 09-02-2018 10:09 PM
اناشيد اطفال,انشوده عن القران رائعههه ما اجمل هذا القران ساحرة الجنوب يوتيوب اطفال 2 07-25-2018 06:40 AM
اناشيد الروضة تعليم الاطفال الفواكه بدون موسيقى بدون ايقاع وحصرى فريده يوتيوب اطفال 3 07-11-2018 07:41 PM
نشيد أركان الإسلام الخمسة,اناشيد إسلامية للاطفال,أناشيد اسلامية للاطفال 2018 موجوع قلبى يوتيوب اطفال 1 06-28-2018 04:24 AM


الساعة الآن 07:17 AM.


Powered by vBulletin Version 3.8.8 Alpha 1
Copyright ©2000 - 2018, Jelsoft Enterprises Ltd Trans
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2018 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل